قالت تعال ولا تباطى خطاياك
عجل علينا قبل ساعة رحيلي
قلت اسلمي يابنت والكل يفداك
وكلٍ لجل عينك يشيل الثقيلِ
قالت حبيبي لا تقدم عطاياك
أنت معروف ولا يبيلي دليلِ
أدري صدوق ولا مثيلٍ بدنياك
أدري تحب الزّين لوه قليلِ
قلت امهليني ياحياتي وانا فداك
بملا عيوني من جمالك لليلي
جسمك عدال بينٍ فيه حسناك
وانغاسك العطرة تغذي النحيلِ
سحرتي قلبي وماكشفنا مغطاك
الله يستر لا أكون القتيلِ
يابنت زينك مارئيته بدنياك
ياكيف وقتك ماحصلك خليلِ
قالت تقدم لي من الناس شرواك
راحو جميع ومابقالي حليلِ
إيضا تقدم لي من الناس يفداك
وإليا عرفوا شرطي تنحوا جفيلِ
قلت ابشري بالعزّ والعزّ لقياك
واملي علي شرطك وناله قبيلِ
قالت ترا شرطي هو اسمي بدنياك
والشرط هذا يجعلك لي حليلِ
قلت العدالة بينة في محياك
وانا طلبتك دون ناسٍ قليلِ
قلت الزمان اللي نعيشه تعدواك
وده بذبحك لو رفضتِ تميلِ
أنا عضيدك في زمانك على اعداك
تقبلي قلبي مكانك جليلِ

حياك الله ياصالح

ومشكور وما قصرت

بس عندي سؤال وشي المعنى انك تنزل ثلاث مرات بموضوع واحد

وشكرا لك

مرحباً أبو تركي
شكرا على التفاعل والإطراء ولا هنت بالنسبة لتكرار الموضوع وهو أني نزلت الموضوع عبر الجالكسي والمتصفح حقه كرر الموضوع أثناء التعديل عليه فقط
ودمت في رعاية الله
صالح نت

مرحباً أبو تركي
شكرا على التفاعل والإطراء ولا هنت بالنسبة لتكرار الموضوع وهو أني نزلت الموضوع عبر الجالكسي والمتصفح حقه كرر الموضوع أثناء التعديل عليه فقط
ودمت في رعاية الله
صالح نت