السلام علييكم ..

أخبـآركم وأخبـآر المذآآكـر <~
المهم ندخل بالموضوع ..
بمآ أن أجوآآء الريآض اليوم بطله ..
حبيت أتكلم عن هالجوا اللي يفتح النفس
يعني عآرفين من زمآن مآ فرحنآ بالمطر اللي يفرح النفس جت إختي منهبله نوره / رغد رغد مططر
أنآ / إحلففي يختي طيري منآك مآلي خلقك لا أحط الحره فيك ولا أخبطك ( أظربك ) بذآ الكتآب اللي ماشاء الله يفتح أبو النفس
نوره / مالت عليك وعلى اللي يخبرك أقولك مطر خلي المذآكره على جمب
أنآ / يا شين البثاره اوف يالله ورينا هالمطر
المهم نطلع بالحوش
نوره / شفتي وددي أقعد هنا وأفلها صالح صالح جب الابتوب
أنآ / صاحيه انتِ تحطين الاب تحت المطر !
نوره / إيه صح خلاص آسفين مآ قلنا شي يختي أقول لك الاجوآء تفتح النفس وانتِ نفسك بخشمك
أنآ / مآ شفتي هالكتآب اللي يهبل ماشاء الله عليه
نوره / يووه من متى رغد دآفوره
إمي / خلاص خلي هالكتآب وشوفي ذا الجو
أنآ / ابششري يمه خلاص اوف
واجدع ذا الكتاب
صالح / الله يبه من زمآن ما شفت المطر
نوره / إحلف جايب خبر جديد
صالح / أقول إسكتي لا اكفخك لا تقعدين تتفلسفين علي أنآ إخوك الكبير
أنآ / اوه من متى صاار صالح اخونا الكبير
صالح / أنتِ اسكتي ولا تتدخلين
إبوي / الحين وش هالصجه انا مطلعكم تشوفون هالمطر ما قلت تهاوشوا
صالح / خلاص يالله كل وآآحد يحب رآسي ويعتذر
أنآ / معصي مآ بقى الا أنآ احب رآسك
نوره / هيييه إسكتوا واسمعوا كلآم إبوي
أنآ / يبه شف صالح أدبه علشان ما نتهاوش
إبوي / صالح إعقل خلاص وخلك كبير
صالح / إن شاء الله إبشر يبه
نوره / طيب مآ دآم هالتسامح وش رآيكم نلعب
صآلح / يالله وش نلعب هاه رغد بتلعبين ؟
رغد / ايه بس وشي اللعبه يآ فآهمه
نوره / إمممم وش رآيكم كوره
صآلح / ايه ايه ابشري خلين بس اجيب الكوره
نوره / هآه رغد تلعبين
أنآ / ايه يالله
إمي / الحمدلله تصالحتوا يالله روحوا مع الجهه ذيك وإلعبوا على رآحتكم
نوره / يالله ابدوا
ويبدأ الصراخ والازعآج <~ متحمسين على الآخر !
الجوهره / طبعاً الجامعه إختباراتهم الحين يعني بكره
الجوهره / خلاص أزعجتونا تكفووون بذآآكر
أنآ / خلاص طفشت بروح أذآكر
نوره / عزيزتي رغد بخصوص المذآكره اللي مزعجتنا فيها نيوتن مثلا
أنآ / عزيزتي نوره بخصوص النكت اللي أزعجتينا فيها مسويه خفيفة دم مثلا ؟
الجوهره / خلاص كل وآآحد في حاله تكفون صالح رح إلعب صوني نوره خليك في حاالك وإمسكي الاب رغد اهجدي وذآكري احسن لك مو نافعك الهوآش
أنآ / طيب خلاص
نوره / اووف مآ ابي الاب
الجوهره / يعني وش تبين هاه ؟
نوره / إحم إحم الجوهره تدلعني
الجوهره / نوره تراك رآيقه بسرعه وش تبين ؟
نوره / إمممم ابي الايبود
الجوهره / خلاص خوذي الايبود واهجدي
صالح / إن شاء الله الصوني أحسن من مقابل وجيهكم
إمي / صالح إعقل
صالح / إبشري يمه
وكل وآآحد ربض ( قعد ) على شي
صآلح / الصوني
نوره / الايبود
أنا / على الكتااب الله يعين
الجوهره / على الكتاب الله يوفقها
وكل وآآحد عقل <~ مبرووووك
الله يوفقكم بالاختبار وإن شاء الله تجيبون درجآت زيينه ومعدل حللو
ويفككم من بثآرة البزآرين اللي ماعندهم إختبآرآت <~ متعقده

مشكوره

منوووووووووورهـ الصفحهـ

من ججججد حالاات مصتعصيه من هالبزراان القللق

ما يقدروون يهجدوون ولاا دقيقه بسس جيدين باللعب وبالبثااره لقلق لقلق لقلق أوووف يااربي

الله يهديهم ذاا يتضاارب مع ذاا وذاا يقفل الباااب {قرباااع} لين قلبي يفز وتطير كللل المعلووماات

وأحااول ما اهز رااسي عشان ما تطييح المعلوماات << متأثره بأفلآم الكرتوون

آآآآخ بسس خلني ليي كبرت ذييك السساعه اقلقهم زي ما قلقووني

وتقبلي قلقي هع ...

Oh I am accepting your anxiety