بسم الله الرحمن الرحيم
هذي بعض النكت لتغيير الجو والترفيه اطرحها لكم
نبداء معها
محشـّـش يسأل زوجته :
وش تفكـّـرين فيه ؟
قالت :
نفس اللّي تفكـّـر فيه !
قال :
الله ياخذك .. بتتزوّجين عليّ ؟!!
******************
وحده تقول لزوجها :
إذبح خروفين بمناسبة مرور 10 سنوات على زواجنا ..
قال :
وش ذنب الخروفين في غلطة إرتكبها حمار ؟!!
******************
رجاجيل بإستراحة قال لهم واحد :
اللّي يخاف من زوجته يقعد في الجهة اليسار ..
كلـّـهم قاموا إلاّ واحد !
قال له نفس الواحد :
إنت ماتخاف من زوجتك ؟!
قال :
هي قايلة لي قبل ما أروح الإستراحة (( روح الإستراحة بس إن تحرّكت من
مكانك .. دبجتك دبج ))
********************
بخيل كان في غيبوبة خمس سنين وصحي ،
قالوا له : الملك فهد مات
فتأثر
قالوا له : الحوثيين هجموا علينا .
فتأثر جدّا جدّا .
قالوا له : الناس في جدّة غرقوا في السيل .
فتأثر جدّا جدّا ودمعت عيونه .
قالوا له : البيبسي صار بريال ونصف .
رجع للغيبوبة .
*****************
فيه واحد راح لمصر ، بعدين رجع من مصر ،
وسأله جاره وين رحت ؟
قال : مارحت لأي مكان .
وهو كذّاب راح لمصر ورجع .
( ساعد على نشر هذه القصّة المعبّرة )
*****************
لذا سميت المرأة بالإنجليزية "ومن "
لانها تسأل زوجها دائما :
من قابلت ؟
ومن شفت ؟
ومن اتصل بك ؟
ومن رحت معاه أشوفك كاشخ؟
ومن ركب معاك أشوفك مغير المرتبة ؟
ومن .. ومن .. ومن !
والرجل سمي بالإنجليزي "مان لانه
دائما هو للمصالة والاعتراض ،
مانيب موديكم !
مانيب جايبكم !
مانيب مخليك تروحين معاهم !
مانيب مقدّم على شغالة !
مانعرفهم لاتروحون لهم !
ياذكيهم ذا الإنجليز .
(محشش مثقف)
*****************
فيه محشّش يركض منحاش ،
سألوه : ليش ؟
قال : ياخي افرض صار شيء فجأة !
******************
سواليف السعوديين على الأكل /
1ـ لاتتاغر .
2ـ سكر فمك وأنت تاكل .
3ـ لاتناشق ولاتلمس خشمك .
4ـ كل صحنك .
5ـ الله يقرفك لاتطلع صوت وأنت تاكل .
6ـ شف كبيت اللبن .
7ـ شوي شوي الصحن موب طاير .
8ـ يابنت عليك المواعين اليوم .
9ـ كل من مكانك .
10ـ فلاااانه حطينا الغدا .!
*****************
مدرس في التحفيظ يسمّع للطلاب ..
راح للأول وقال له : ما اسمك ؟
رد : إبراهيم ..
قال : اقرأ سورة إبراهيم .
راح للثاني : ما اسمك ؟
رد : محمد ..
قال : اقرأ سورة محمد
راح للثالث : ما اسمك ؟
رد : اسمي يوسف بس يدلعوني كوثر !!
*****************
سعودي يقول لخويه : نفسي أتزوج لبنانية ، لأن اللبنانيات مثل التفاح .. وإلا
سورية لأن السوريات مثل الخوخ ..
رد عليه : التفاح والخوخ يومين ويخربون .. خذ لك سعودية مثل (التمرة) خمسين
سنة ماتخرب !!
انشر تؤجر ( حملة جبر الخواطر )
******************************
أكاذيب الحريم :
1 عيالي ما يأكلون
2 زوجي يموت فيني
3 تزوجت لأني حلوة
4 الحمل خرّب جسمي
5 محد يصبر صبري
6 كل ما رحت عرس خطبوني
7 من يشوفني يقول صغيرة
8 محد يصدق إن هاذي بنتي
9 من أمس ما رقدت إلا ساعة
الإهداءات
23-05-2010, 12:10 AM
وسع صدرك مع النكت 
العرض العادي
