أنا أهنيك من قلبي قدرت إنك تبكيني
وحق الله يالغالي أنا من القلب هنيتك


كذا روحي تعللها ولا لي من يواسيني
وأنا اللي بكل معنى الحب والإحساس حبيتك


أهون عليك وحياتك كذا وحدي تخليني
تنسى عشرتي وتروح وعمري بلحظة ما نسيتك


حبيبي قول ما بقلبك إذا زعلان صافيني
تدري كم أنا أحبك وتدري كم صافيتك


أنا مقدر على زعلك ولا إنك تجافيني
عساني ما تهنى لو أنا في يوم جافيتك


أريدك ما تصدقهم كل اللي حكو فيني
عذول وفيهم الغيرة عشان بعمري أنا فديتك


حبك ساكن بقلبي ويجري في شراييني
عشقتك يوم ما شفتك وخليل الروح سميتك


تدلل بس على روحي ولو تطلب نظر عيني
وحق الواحد المعبود معاه القلب أنا عطيتك


ولك عهد الوفا مني أقضي عندك سنيني
مطيع بكل ما تأمر ولو حارس على بيتك


منى نفسي أنا شوفك ولو خلسة بيكفيني
ملكت الكون ساعتها وتاج الراس خليتك


حبيبي لا تعذبني تراه البعد يظنيني
ورجيتك لا تحسسني أنا غلطان غليتك


نار العشق يا عمري ترى بالله تكويني
تشعل في وسط صدري بأول يوم أنا ريتك


حبيبي عودلي رجواك قبل موتي يوا فيني
قبل لا تنطفي شمعة زمان كان مضويتك


مليك الروح لا تنسى إذا ما تقدر تجيني
تذكر يا بعد عمري كم أنا تمنيتك


وإذا جالك خبر موتي أنا ما أريد تبكيني
أنا ما أريد أتعذب عشان بيوم بكيتك


ترى لي بس طلب واحد أنت اللي تواريني
تلبسني الكفن بأيدك قبري تلحّده بغيتك



ولو تسمح بدل إسمي شهيد الحب سميني
وعلى قبري زرع وردة دخيل الله ترجيتك



كفاية عروقها جنبي وسط قبري تسلِّيني
وكل ما تشم زهرتها أنا بالعرق شميتك






وتذكر قسوتك عندي وظلمك يوم نا سيني
ولما تلعب بقلبي شرى لعبة مسليتك


وسجل في كتاب الدهر كل اللي جرى فيني
عساه الدهر ينصفني وأنت بعد ياريتك



ملطوش لعيونكم

تسلمين يا الغلآ
الله يعطيك العافيه
دمتي مبدعه
تحياتي

قصايد حامد اصرف
قصيدتك حلوه
بس المره الجايه هاتي لحامد زيد
الله يعطيك العافيه
ولو منيب ضامنه انك منتب زعلانه ما قلت لك ..
مير شكرن بس

الله الله الله

ايـش القـصيده دي

والله والله روووعه

يسلمو يالغلا

وعلى قوولت روح الغلا

جيبي حامد الزيد

لا تنسي

يعطيك الف عافيه

يسلمو

الله يعافيكم
اسعدني مروركم

ههههههههه ابشروووو